MENTALIDADE DE CRECEMENTO

Que é iso da Mentalidade de Crecemento?

    A mentalidade de crecemento é moitas cousas, pero sobre todo é un xeito de vida. Todas as persoas deberíamos tratar de vivir cada día cunha mentalidade de crecemento, pero isto é dende logo moito máis sinxelo se o aprendemos xa nos primeiros anos.

    Existen dous tipos de mentalidade: mentalidade fixa e mentalidade de crecemento. Cando tes mentalidade fixa o que ocorre e que cres que chegas ao mundo cuns certos talentos e capacidades e pouco poder facer por cambialas.  

    Porén, se tes mentalidade de crecemento sabes que sempre podes mellorar en todo o que te propoñas. Iso non quere dicir que se che gusta o fútbol chegues a ser coma Vero Boquete pero si que se entrenas moito, usas as estratexias adecuadas e tes un bo feedback sempre poderás ser mellor.

    Son moitos os eixes que podemos seguir para adquirir a mentalidade de crecemento: o poder do todavía, a gratitude, celebrar os erros, buscar os desafíos, valorar os intentos...

    Pero non vos preocupedes, pasiño a pasiño iremos aprendendo sobre todo isto nas diversas entradas do noso novo blog!

    Dalle a Mentalidade de Crecemento con nós!