O AGRADECEMENTO ENTRE O PROFESORADO

 TARXETAS DE AGRADECEMENTO

    A gratitude é algo que non só ten que practicar o alumnado, senón tamén o profesorado. De feito, unha mestra ou mestre que sexa agradecido coa vida terá moitas máis opcións de ensinar ao seu alumnado a importancia da gratitude.

    Para iso temos unha nova práctica que se levará a cabo de xeito diario na sala de profesorado. Dende o equipo de convivencia estamos a facer unhas tarxetas de agradecemento que iremos pegando nas fotos do profesorado que temos colgadas na parede da sala.

    Por exemplo, hoxe quero darlle gracias ao mestre Celso por acompañarme no xantar dos martes e facer a miña pausa de traballo moito máis amena. Pois en vez de so pensalo, voullo dicir a través destas tarxetas. Non é xenial? A portada será como a da imaxe que vedes arriba e o reverso será onde escribiremos con rotulador a mensaxe que lle queremos transmitir a esa persoa.

    Ademáis, as tarxetas estarán plastificadas para ser usadas varias veces durante todo o curso. De vez en cando poderemos borrar mensaxes antigas e engadir outras máis actuais.

    Que vos parece a idea? Eu xa teño na mente moitos nomes aos que dar grazas!